Our Products
Our Products

بورڈ آف ڈائریکٹرز

بورڈ آف ڈائریکٹرز کا تعارف

جناب طارق معین الدین خان تیس (30 ) سال سے زائد تجربے کے حامل ہیں۔ آپ اس وقت او بی ایس ہیلتھ کئیر پرائیویٹ لمیٹڈ، او بی ایس فارما پرائیویٹ لمیٹڈ، اکلیما سی آر او پرائیویٹ لمیٹڈ ، ا یٹکنسٹوارٹ  پاکستان پرائیویٹ لمیٹڈ اور ایسپن فارما پرائیویٹ لمیٹڈ کے بورڈ میں شامل ہیں۔  نیز آپ اعزازی قونصل جنرل برائے نیدرلینڈز ، کراچی؛ سیکرٹری جنرل برائے ورلڈ فیڈریشن آف قونصلز ، برسلز پاکستان چیپٹر کے فرائض بھی  سرانجام دے رہے ہیں اور پاکستان اور سری لنکا کے مابین تجارت کے فروغ کیلئے قائم کئے جانے والے فورم کے صدر بھی رہ چکے ہیں۔ اس کے علاوہ ایسپن انسٹیٹیوٹ (امریکہ) پارٹنرز فار نیو بیلڈنگ پروگرام (پی این بی) کے ممبر بھی  رہ چکے ہیں جو کہ امریکی صدر اوباما کی جانب سے مسلم دنیا کے کاروباری افراد کے ساتھ مل ایک ایسا  اقدام تھا جس کے تحت  روزگار کے 500،000 مواقع فراہم کرنا مقصود تھا ۔

 

آپ نے  اپنی پیشہ ورانہ عملی  زندگی کا آغازعلاقے کی  سب سے بڑی آڈٹ فرم ، ریکٹر اشر اینڈ وائنبرگ چارٹرڈ اکاؤنٹنٹس ، مونٹریا ل کینیڈا سے کیا ۔آپ نے 1987 میں جئیویش جنرل  ہسپتال (میکگل یو نیورسٹی) میں بطور فنانشل کنٹرولر شمولیت اختیار کر لی۔ بعد ازاں  1993 میں آپ سعودی عرب تشریف لے گئے اور موارد ٹریڈنگ کمپنی (جو کہ سعودی شاہی خاندان کی ملکیت ہے) میں بطور  گروپ فنانشل آفیسر شمولیت اختیار کر لی۔ اس کے بعد 1999 میں آپ  اورگینان (جو کہ اب مرک اینڈ کمپنی انکارپوریٹڈ یو ایس اے کا حصہ ہے) سے وابستہ ہو گئے۔ بعد ازاں آپ بطور مینیجنگ ڈائریکٹر اورگینان پاکستان تشریف لے آئے۔ اسے کے بعد سعودی عرب کی ذمہ داری بھی آپ کے سپرد کر دی گئی اور آپ بطور مینیجنگ ڈائریکٹر برائے پاکستان و سعودی عرب اپنی ذمہ داریاں نبھانے لگے۔

 

آپ کو نکو رڈیا یو نیورسٹی ، مونٹریا ل  کینیڈا سے فارغ التحصیل ہیں اور آپ نے  میکگل یو نیورسٹی سے پبلک اکاؤنٹینسی میں پوسٹ گریجویٹ ڈپلومہ (جی ڈی پی اے) بھی حاصل کیا ۔ اس کے علاوہ آپ اونتاریو کینیڈا سے مصدقہ مینجمنٹ اکاؤنٹنٹ  اور کیلیفورنیا یو ایس اے سے مصدقہ پبلک اکاؤنٹنٹ بھی ہیں۔

جناب نوید عابد خان تیس (30 ) سال سے زائد تجربے کے حامل ہیں جس میں شعبہ بینکاری کا ستائیس (27 ) سالہ وسیع تجربی بھی شامل ہے۔ اس وقت آپ اپنی اہلیہ مرحومہ  کی یاد میں قائم شدہ شرمین خان میموریل فاؤنڈیشن کے چئیرمین اور چیف ایگزیکیٹیو کی ذمہ داریاں سرانجام دے رہے ہیں۔ اس کے علاوہ آپ کراچی شپ یارڈ اینڈ انجیئنرنگ ورکس، فوجی فرٹیلائزر بن قاسم ، دبئی اسلامک بینک، گلیات ڈیویلپمنٹ اتھارٹی ، خیبر پختون خواہ، این آر ایس پی مائیکرو فنانس بینک لمیٹڈ ، بحریہ فاؤنڈیشن اور گیس اینڈ آئل کمپنی پاکستان کے بورڈ  میں بطور ممبر خدمات سر انجام دے رہے ہیں۔

 

اپنی پیشہ ورانہ عملی زندگی کے دوران آپ نے فیصل بینک لمیٹڈ اور  اے بی این ایمرو بینک پاکستان لمیٹڈ میں بطور صدر اور چیف ایگزیکیٹیو ذمہ داریاں سر انجام دیں ، آپ اوورسیز انو یسٹرز چیمبرز آف کامرس اینڈ انڈسٹری کے صدر بھی رہے اور بطور چئیرمین پاکستان بینکس ایسو سی ایشن، فیصل ایسٹ مینیجمنٹ لمیٹڈ، اکیڈمک بورڈ آف انسٹیٹیوٹ آف بینکرز پاکستان خدمات سر انجام دیں۔ اس کے علاوہ آپ   روٹری کلب آف کراچی میٹروپولیٹن  میں بطور صدر،  انسٹیٹیوٹ آف پاکستان بینکرز  میں بطور نائب صدر اور انسٹیٹیوٹ آف بینکرز کونسل میں بطور ممبر بھی ذمہ داریاں نبھاتے رہے ہیں۔ آپ نے بینک آف امریکہ ، پاکستان میں بھی کلیدی عہدوں پر فرائض سر انجام دیئے ہیں۔

 

. آپ نے انڈیانا  یو نیورسٹی ، یو ایس اے سے بیچلر آف سائنس کی ڈگری حاصل کی اور بزنس ایڈمنسٹریشن میں ماسٹر کی ڈگری بٹلر یونیورسٹی یو ایس اے سے حاصل کی

جناب ظفر اقبال ثوبانی شبعہ پیداوار، تونائی اور آڈٹ میں پاکستان کے اندر اور مشرق وسطی میں کام کرنے کا چالیس (40) سالہ وسیع تجربہ رکھتے ہیں۔ اس وقت آپ فنانس،  کاروبار اور توانائی کے شعبوں میں ماہرانہ مشاورت کے امور میں مشغول ہیں اور اس کے علاوہ  ایک کاروباری شخصیت بھی ہیں۔ آپ 2014 سے   نجکاری کمیشن میں بطور بورڈ ممبر فرائض سر انجام دے رہے ہیں اور نجکاری کے معاملات میں اس دوران آپ کی خدمات گراں قدر ہیں جس میں پی ایس ای اور تونائی کے شعبوں میں آپکی جانب سے پیش کی جانے والی اہم خدمات بھی شامل ہیں۔ علاوہ ازیں،  آپ ٹی آر جی ((پاکستان) لمیٹڈ، پرائمس لیزنگ لمیٹڈ- پاک برونائی انویسٹمنٹ کمپنی لمیٹڈ کی ایک ذیلی کمپنی، آئی ٹی مائنڈز – سینٹرل ڈپیازیٹری کمپنی کی ایک ذیلی کمپنی  اور ہارڈن سولر – شمسی تونائی کے حل پیش کرنے والا ادارہ، کے بورڈ کے ممبر بھی ہیں۔ آپ آئی کیپ کی آڈٹ کمیٹی کے چئیرمین بھی ہیں۔

اپنی پیشہ ورانہ زندگی کے دوران آپ نے 2013 سے 2015 کے دوران دو سال کے عرصے کیلئے ہاؤس آف حبیب کے ساتھ بھی کام کیا جہاں آپ نے نئے پروجیکٹس کے قیام اور رئیل اسٹیٹ مینجمنٹ کے شعبوں میں اپنی خدمات پیش کیں۔ آپ وطن عزیز میں شعبہ توانائی کے اندر زبردست تجربے اور شہرت کے حامل ہیں اور اس شعبے سے متعلق اہم شراکت داروں سے آپکے قریبی روابط ہیں۔  آپکو توانا ئی کے شعبے میں  2011 سے 2013 کے درمیان بطور چیف ایگزیکیٹیو آفیسر حبکو پاکستان  آئی پی پی پر مبنی  توانائی کے تین  پروجیکٹس  اور 2008 سے 2011 کے درمیان بطور چیف ایگزیکیٹیو آفیسر لبرٹی پاور 200 میگا واٹ آئی پی پی پروجیکٹ پر کام کرنے کا تجربہ بھی حاصل ہے۔ آپکی پیشہ ورانہ عملی  زندگی کا ایک بڑا حصہ سینچری پیپر اینڈ بورڈ ، جو کہ لیکسن گروپ کا حصہ ہے، میں خدمات انجام دینے پر گزرا جہاں 1990 سے 2008 کے دوران آپ نے فنانس، بڑے پیمانے پر پروجیکٹس ٹریژری کیلئے  بندوبست برائے تمویلی،  لاگتی تجزیات اور سپلائی چین کے شعبوں میں اپنی خدمات پیش کیں۔   اس کے علاوہ آپ پورے گروپ کی سطح پر شعبہ فنانس میں باہمی روابط کی ذمہ داری بھی آپ کے سپرد تھی۔ آپ نے 1985 سے 1990 کے دوران پاکستان آکسیجن لمیٹڈ میں فنانس کے شعبے میں کلیدی عہدوں پر بھی کام کیا ۔ آپ انسٹیٹیوٹ آآف چارٹرڈ اکاؤنٹنٹس آف پاکستان (آئی کیپ) کے صدر بھی رہ چکے ہیں اورآپ نے کونسل اور علاقائی کمیٹیوں میں بھی مختلف حیثیتوں میں انتہائی مستعدی کے ساتھ اپنا کردار ادا کیا ہے۔  آپ نے نو سال تک کوالٹی کنٹرول بورڈ میں بطور چئیرمین بھی خدمات سر انجام دی ہیں اور آپ کو یہ ذمہ داری سپرد کی گئی تھی کہ پاکستان میں آڈٹ کے عمل کو مستحکم بنانے کی غرض سے آڈٹ کے معیار کی نگرانی کریں۔ آپ اوورسیز انویسٹرز چیمبر آف کامرس اینڈ انڈسٹری  کی مینیجنگ کمیٹی کے ممبر بھی رہ چکے ہیں۔ آپ 2004 سے 2005 کے دوران پاکستان انسٹیٹیوٹ آف کارپوریٹ گورننس کے اسپانسر ڈائریکٹر کی ذمہ داریاں بھی نبھا چکے ہیں اور آپ کارپوریٹ گورننس  کے  امور کے سلسلے میں آئی ایف سی کی جانب سے مصدقہ تربیت کار ہونے کا اعزاز بھی رکھتے ہیں۔

آپ نے اسی(80)  کی دہائی کے اوائل میں پاکستان سے چارٹرڈ اکاؤنٹینسی اور کوسٹ اینڈ مینیجمنٹ اکاؤنٹینسی میں تعلیم حاصل کی ۔ آپ نے پاکستان میں اے ایف فرگوسن (پی ڈبلیو سی)  اور سعودی عرب میں ارنسٹ اینڈ ینگ کے ساتھ بھی کام کیا ہے۔

جناب کامران نشاط چونتیس (34) سالہ وسیع  پیشہ ورانہ تجربے کے حامل ہیں، آپ مولر اینڈ فپس پاکستان (پرائیویٹ) لمیٹڈ، ایم اینڈ پی ایکسپریس لاجسٹکس (پرائیویٹ) لمیٹڈ، ٹیک سیرت (پرائیویٹ) لمیٹڈ، ویری بیسٹ برانڈز پاکستان (پرائیویٹ) لمیٹڈ، ٹیک سیرت ٹیکنالوجیز (پرائیویٹ) لمیٹڈ، لاجیکس (پرائیویٹ) لمیٹڈ اور او سی ایس روڈ اینڈ ریل کارگو (پرائیویٹ) لمیٹڈ کے چیف ایگزیکیٹیو آفیسر کے بطور خدمات سر انجام دے رہے ہیں۔  علاوہ ازیں آپ اے بی ایل ایسٹ مینیجمنٹ کمپنی لمیٹڈ، سیان لمیٹڈ اور بریوجین (پرائیویٹ) لمیٹڈ کے بورڈ میں بھی شامل ہیں۔

آپ اکاؤنٹنگ اینڈ آڈٹنگ اسٹینڈرڈز کمیٹی (غربی)  انسٹیٹیوٹ آف چارٹرڈ اکاؤنٹنٹنس آف پاکستان  (آئی کیپ)،انفارمیشن ٹیکنالوجی کمیٹی (غربی) آئی کیپ، مینیجمنٹ ایسوسی ایشن آف پاکستان کے ممبر اور امریکن بزنس قونصل کے صدر بھی رہ چکے ہیں۔ اس کے علاوہ آپ سیدات حیدر مورشد ایسو سی ایٹس (پرئیویٹ) لمیٹڈ میںسینئیر مینیجر، مائما گروپ میں گروپ فنانشل کنٹرولر، داؤد ہر کولیس کیمیکلز لمیٹڈ میں جنرل مینیجر کارپوریٹ افئیرز، سینٹرل کاٹن ملز لمیٹد میں ڈپٹی مینیجنگ ڈائریکٹر اور الغازی ٹریکٹرز میں مینیجر فنانس کے عہدوں پر بھی فرائض سر انجام دے چکے ہیں۔

آپ ایک چارٹرڈ اکاؤنٹنٹ اور آئی کیپ کے رفیق (فیلو ممبر) ہیں۔

جناب محمود یار ہراج کارپوریٹ فنانس ، انویسٹمنٹ بینکنگ، پرنسپل انویسٹنگ، پرائیویٹ ایکیوٹی اور ایسٹ مینیجمنٹ کے شعبوں میں پندرہ (15) سال سے زائد تجربے کے حامل ہیں۔ آپ نے امریکہ، برطانیہ اور کینیڈا کے عالمی شہرت یافتہ انویسٹمنٹ بینکوں اور مالیاتی اداروں میں خدمات سر انجام دی ہیں۔ اس وقت آپ ٹرائی کون بوسٹن کنسلٹنگ کارپوریشن کے ساتھ بطور بورڈ ممبر وابستہ ہیں۔

 

آپ نے اپنی پیشہ ورانہ زندگی کا آغاز نیو یارک میں سیلومون نارنے کے ساتھ کیا اور اس کے بعد سٹی گروپ کے فنانشل اسپانسر گروپ کے ساتھ کام کرنے کیلئے لندن روانہ ہو گئے جہاں آپ معروف ترین پرائیویٹ ایکیوٹی فرموں کے ساتھ کام میں مصروف رہے۔ آپ 2012 میں ابو ظہبی گروپ کے ساتھ کام کرنے کیلئے پاکستان تشریف لائے لیکن پاکستان آنے سے قبل آپ نے پانچ سال جے پی مورگن اینڈ اسکوٹیا کیپٹل کے ساتھ کام کیا ۔ اس عرصے کے دوران آپ نے مختلف امریکی، کینیڈین اور دیگر بین الاقوامی فورچیون 500 کمپنیوں اور اسپانسروں کو کمپنیوں کے حصول اور ادغام  اور بند وبست تمویل کے سلسلے میں اپنے قیمتی مشوروں سے نوازا۔

آپ نے میکگل یونیورسٹی سے معاشیات میں بیچلرز اور یئیل اسکول آف مینیجمنٹ سے ایم بی اے کی ڈگریاں حاصل کیں-

محترمہ نصرت منشی جولائی 2009 ء سے اے جی پی کی مینیجنگ ڈائریکٹر کے عہدے پر فائز ہیں جنھوں نے زیادہ مستحکم اور بڑے ہم عصر وں کے درمیان، کارکردگی اور منافع بخش طو پر کمپنی کی حیثیت کو پختہ کیا ہے۔ پروڈکشن، آپریشنل ایفیشینسی،سیلز اور منافع میں فی کس نتیجہ خیزی کے لحاظ سے اے جی پی اس صنعت میں موجود بہترین کمپنیوں میں سے ایک ہے۔ مشکل حالات اور افراطِ زرکے باوجود کمپنی نے ان کی زیرِ قیادت کارکردگی کے بہتر تناسب کے ذریعے پائیدارنموحاصل کی ہے۔ 2014 ء میں ملکیت کی تبدیلی کے نازک مرحلے میں انہوں نے کمپنی کے معاملات کو خوبی سے سنبھالا جس کے بعد کمپنی وسیع تر نئے افق اور نئے شیئر ہولڈرز کے تعاون سے پہلے سے زیادہ مستحکم ہو کر ابھری۔

 

2009 ء میں مینیجنگ ڈائریکٹر کے عہدے پر ترقی پانے سے پہلے محترمہ نصرت منشی نے 2007 ء میں ڈائریکٹر فنانس، انفارمیشن سسٹمز اور ایچ آر کی حیثیت سے اے جی پی میں شمولیت اختیار کی ۔ انہوں نے انسٹی ٹیوٹ آف بزنس ایڈمنسٹریشن سے بی بی اے (آنرز)/ایم بی اے کیا ۔ وہ ٹریژری، کارپوریٹ اینڈ کریڈٹ میں دس سال سے زیادہ کا تجربہ رکھتی ہیں اوراے جی پی میں شمولیت سے پہلے ایچ ایس بی سی ، پاکستان کی ریجنل کارپوریٹ ہیڈ رہ چکی ہیں۔ انہوں نے ایچ ایس بی سی کینیڈا میں بھی خدمات انجام دی ہیں اور کوئنز یونیورسٹی ، کینیڈاسے بھی ایم بی اے کی سند حاصل کی ہے۔

جناب محمد کامران مرزا فنانشل مارکیٹس کا گیارہ (11) سالہ تجربہ رکھتے ہیں جس میں بالخصوص انہیں انویسٹمنٹ ایڈوائزری میں خرید اور فروخت کا خاص تجربہ حاصل ہے۔ او بی ایس سے وابستگی سے قبل آپ جے ایس بینک لمیٹڈ سے بطور ایگزیکیٹیو وائس پریزیدنٹ اور سربراہ برائے انویسٹمنٹ بینکنگ گروپ وابستہ رہے جہاں آپ نے کاروبای حلقوں کو کاروبار کے ادغام، حصول، مختلف النوع کاروبار میں سرمایہ کاری، سرمایہ مارکیٹ میں قرض اور ایکیوٹی پر مبنی سرمایہ کی لین دین وغیرہ پر قیمتی مشوروں سے نوازا ۔ مشاورت کے ان امور میں بطور خاص  دواسازی کی صنعت، لاجسٹکس، خدمات برائے تمویل اور صنعت کے شعبے شامل رہے۔

 

آپ نے 2007 میں بطور تجزیہ کار جے ایس بینک میں شمولیت اختیار کی اور کاروباری ذہانت کے حامل ہونے اور مختصر دورانیئے  کے اندر اندر فرینچائز سے بہتر نتائج برآمد کرنے کے فن میں زبردست مہارت رکھنے  کی وجہ سے انتہائی قلیل عرصے کے اندر اندر انویسٹمنٹ بینکنگ کے سربراہ کے بطور ترقی پاگئے۔ جے ایس بینک میں شمولیت اختیار کرنے سے قبل آپ کا تعلق کچھ عرصہ معروف مواصلاتی کمپنی سے بھی رہا جہاں آپ  بطور پروجیکٹس مینیجمنٹ ایگزیکیٹیو ذمہ داریاں نبھاتے رہے۔

 

آپ نے انسٹیٹیوٹ آف بزنس مینجمنٹ (سی بی ایم) سے ایم بی اے کی ڈگری حاصل کی اور اس کے ساتھ ساتھ گولڈ میڈل کے ساتھ کامرس میں انڈر گریجویٹ ڈگری کے حامل بھی ہیں۔