نان- ایگزیکٹو ڈائریکٹر
جناب محمد کامران مرزمالیاتی منڈیوں کا 14 سال سے زیاد ہ کا تجربہ اپنے ساتھ لائے ہیں جو بنیادی طور پر سیل سائیڈ اور بائی سائیڈ انویسٹمنٹ ایڈوائزری پر مرکوز ہے۔ 2018 میں او بی ایس گروپ میں شمولیت سے قبل ، وہ بطور ایگزیکٹیووائس پریزیڈنٹ اور ہیڈ آف انویسٹمنٹ بینکنگ گروپ جے ایس بینک لمیٹڈ کا حصہ تھے جہاں وہ فارما سیوٹیکلز، مائیکرو فنانس، لاجسٹکس، مالیاتی اور صنعتی شعبوں پر ارتکاز کے ساتھ ادغامات،خریداریوں، فروخت کاریوں، مائیکرو فنانس ڈیٹ اینڈ ایکویٹی مارکیٹ ٹرانزیکشنز پر کاروباری اداروں کو مشاورت فراہم کیا کرتے تھے۔
انہوں نے 2007 میں جے ایس بینک میں ایک اینالسٹ کے طور پر شمولیت اختیار کی اور اپنی کاروباری سوچ اورفعالیت کے ذریعے اعلیٰ کارکردگی پیش کرنے کے لیے فرنچائز کو چلانے کی صلاحیت کی وجہ سے ، وہ بہت ہی کم وقت میں ہیڈ آف انویسٹمنٹ بینکنگ کے عہدے پر فائز ہوگئے۔ جے ایس بینک میں شمولیت سے قبل ، پروجیکٹس مینجمنٹ ایگزیکٹیوکی حیثیت سے ان کی ایک ٹیلی کام کمپنی کے ساتھ ایک مختصر مدتی وابستگی رہی۔
وہ پاکستان انسٹی ٹیوٹ آف کارپوریٹ گورننس سے سرٹیفائیڈ ڈائریکٹر ہیں اور فی الحال اے جی پی لمیٹڈ ، او بی ایس ہیلتھ کیئر (پرائیوٹ) لمیٹڈ ، ایسپن(Aspin) فارما (پرائیویٹ) لمیٹڈ ، ہوم میڈکس (پرائیوٹ) لمیٹڈ ، او بی ایس اے جی پی (پرائیویٹ) لمیٹڈ اور OBS گروپ کی دیگر کمپنیوں کے بورڈ ممبر کی حیثیت سے خدمات انجام دے رہے ہیں۔ وہ پاکستان اسٹاک ایکسچینج کی لسٹنگ کمیٹی کے ماہرین کے پینل پر بھی رہ چکے ہیں۔
انہوں نے گولڈ میڈل کے ساتھ کامرس میں انڈرگریجویٹ ڈگری حاصل کی ہے اور وہ انسٹی ٹیوٹ آف بزنس مینجمنٹ (IoBM) سے ایم بی اے گریجویٹ ہیں۔
پروفائلز پر واپسی